Course syllabus

Māori 302: Reo Māori Kōrero

WĀHANGA 1, 2018

Ngā Ira / Points: 15 

E rere atu nei te reo  rāhiri o Te Wānanga o Waipapa. Nau mai, tahuti mai kei te hunga pīkoko ki te reo Māori.  Tomokia te whare o Māori 302 kia rukuhia ai ngā rētōtanga, kia torohia ai ngā rangiwhāwhātanga, kia ekea ai ngā keokeonga o tō tātou reo kāmehameha, kia whakatinanahia ai te kōrero, ‘Ko te reo kia tika, ko te reo kia rere, ko te reo kia Māori’.

Kaiwhakahaere / Course Convenor: 

Tākuta Jen Martin (Te Rarawa)

Wāea: (09) 923 1485 

Īmēra: j.martin@auckland.ac.nz

Pūkenga / Teacher:

Tākuta Jen Martin 

Te Āhua Whakaako / Course Delivery Format:

E rua ngā karāehe, e rua hāora te roa, i ia wiki

2 x 2 hour lectures each week

(Tirohia te pae o Student Services Online mō ngā taipitopito e hāngai ana ki te wātaka me ngā taiwhanga ako)

He Whakamārama / Summary of Course Description:              

Ko tēnei te pepa whakaohooho ake i ngā tau ka taha. Ko te whāinga, ko te whanake i ngā ture whakatakatoranga o te reo Māori mai i ngā tuhinga me ngā kōrero Māori kia pai ai te puta mai o te kōrero. Mai anō hoki i ngā tuhinga Māori, ka āta tirohia te ao o te Māori, te ātaahuatanga o te whakaahuatanga mai o te kōrero i roto i te Reo Māori

Ngā Aromatawai / Assessment Summary:

Karekau he whakamātautau whakamutunga mō tēnei akoranga. Katoa ngā aromatawai ka oti i roto i ngā wiki whakaako. E rārangi mai nei ētahi taipitopito mō ngā aromatawai. Ā tōna wā ruku atu ai ki te hohonutanga o ngā whakamahuki, ka mutu, ka āta kōrerotia hei te karāehe tuatahi.

This is a coursework only paper, the assessments for which are outlined below. Further detail about each assessment will be provided in due course and discussed in depth during our first class.                                                                

Ngā Kaupapa Ako / Weekly Topics:

Ā tōna wā whakairihia ai he wātaka e whakaatu ana i ngā kaupapa ka arohia i ia wiki. 

Ngā Pukapuka Matua / Prescribed Texts:

Ngā Rauemi Taunaki / Other Resources:

Te nui o ngā mahi me te tuku i ngā taumahi / Workload and deadlines for submission of coursework:        

Ko te akiaki ia, kia aro ngā tauira ki ia akoranga e 15 ira te wāriu mō te 10 hāora i ia wiki. Me āta whakahaere ngā tauira i a rātou anō, otirā, i ā rātou mahi. Ka riro mā ngā kaiwhakahaere akoranga e whakatau ngā rā me tuku ngā aromatawai, ka mutu, ka whakatairangatia i ngā whakamahuki akoranga. Me tuku e koe ō mahi i te wā tika. Ki te pāngia koe e tētahi tūāhuatanga, pēnei i te māuiuitanga, ka āhei pea tō tono whakaroanga, heoi, ka mate pea koe ki te tuku taunakitanga i mua i te rā e tika ana kia tukuna te aromatawai.  Ka hāmenehia pea ngā aromatawai ka tukuna tōmuritia engari kāore anō kia whakaaetia he whakaroanga. Tirohia te puka akoranga mō te roanga o ngā whakamārama.

The University of Auckland's expectation is that students spend 10 hours per week on a 15-point course, including time in class and personal study. Students should manage their academic workload and other commitments accordingly. Deadlines for coursework are set by course convenors and will be advertised in course material. You should submit your work on time. In extreme circumstances, such as illness, you may seek an extension but you may be required to provide supporting information before the assignment is due. Late assignments without a pre-approved extension may be penalised by loss of marks – check course information for details.

Nau mai! Hoake tātou!